1: meera ji apne aradhya shri krishna se anurodh karte hue kehti hain ki hey sri krishna! aap apne bhakton ke kashton wa dukhon ka nivaran kijiye. aapne apne bhakt draupadi ki laaj ki raksha bhari sabha me uske wastron ko bada kar ki thi. aapne hi apne bhakt pralhaad ke liye narsinha ka roop dhaaran kar hiranyakashyap ko maar kar uski raksha ki thi. isi prakaar aapne apne bhakt gajraaj ko dubne se bachaya tatha ek bhakt haathi ko talab me magarmach ke pakad se nikaal kar uski peeda ka niwaran kiya tha. atah hey sri krishna! tumhario sewika meera bahut kasht me hain isi liye tum uski peeda ka niwaran kar sakte ho. muzpar bhi apni kripa karo.
2. meera ji kehti hain, he prabhi sri krishna! mera aapse saprem nivedan hain ki aap muze apni daasi bana lijiye. wah dobara yeh baat dohraate hue kehti hain ki hey girdhari! muze apni daasi ke roop me sewa karne ka awsar pradaan kijiye. main tumhare liye baag lagaungi jisme tum roj subah vihar kar sakoge. isi bahane hey prabhu! muze bhi aapke darsha prapt ho jayenge. main vrindavan ki kunj galiyon aapke dwara di gayi lataon ka gun gaan karungi. aapki is seva ke badle muze aapke darshan ka sukh prapt hoga aapka naam sumiran rupi kharch ke roop me prapt hoga. arthat aap muze vetan ke roop me aaka naam sumiran karne ke liye denge. bhaavpurn bhakti roopi jaageer bhi aapke dwara muze milegi. is prakaar aapke darshan, smaran aur bhaav teeno baate mere jeevan me rach bas jaayegi.
3.meera apne aaradhya dev sri krishna ke roop ka varnan karte hue kehte hain ki sri krishna ne apne sar par mor mukut pehen rakha hain. tan par pitambar vastra dharan kiye hue hain. unke galw me vaijayenti foolon ki maala suboshit ho rahi hain. meera kehti hai mere prabhu mohan murli wale. vah vrindawan me gaye charate hai aur murli bajate hai. waha mere prabhu ka uncha mehel hai. main us mehel ke angan ke bichon bich sundar foolon ki kyari banaungi. uske pashyaat main swaya kusumbi saadi pehen sri krishna ke darshan ka laabh paungi. wah sri krishna se vinati ke swar me kehti hai ki hey prabhu! mera aapse nivedan hai ki aap muze apne darshan yamuna nadi ke kinare par hi dena. wah kehti hai ki hey sri krishna! hey girdhar! aapse milne ke liye mera hridaye bahut vyakul ho raha hain. aapse milne ke liye mera hridaye dhorya dharan karne me asamarth hai. atah muze darshan de.
